వొస్తూ... ఇస్తూ... నిముషాల గనులు

వొస్తూ తెచ్చేశా అనుకున్నాను

నావెంట నేనే లేనని తెలిసింది..

ఇస్తూ తీసుకున్నానని చిరునవ్వు

కానీ అది కూడా దోచేశావు నువ్వు

నువ్వెళుతూ తీసుకెళ్ళిన 

ఆ నిముషాల గనులు

బాధా లేదూ..

బెంగా కాదూ..

ఎదో నిండుతోందీ

బాధ అలవాటుగా మారిన భావమా

మౌనం కూడా మూగవోయిన వేదనా

ఎవరంటూ ఆ స్వరాలూ

ఖాళీ గదిలో ప్రతిధ్వనిస్తూ

నిన్నే వెతుకుతూ

నాలో చూస్తూ

నింగీ లేదూ

నేలా కాదూ

వున్నానా 

విన్నానా 

విడుదలయ్యానా

నీనుండి నాలోకి

నేననుకునే లోలోకి..